“ஆரோக்கியமான மற்றும் நிலையான உணவு” உரிமைக்கு அழைப்பு விடுத்து, சுற்றுச்சூழல் எதிர்ப்பாளர்கள் பிரான்சில் குண்டுத் துளைக்காத கண்ணாடிக்குள் வைத்து பாதுகாக்கப்படும் மோனலிசா ஓவியம் மீது சூப்பை தெளித்துள்ளனர்.
லியோனார்டோ டா வின்சியின் 16 ஆம் நூற்றாண்டு ஓவியம் உலகின் மிகவும் பிரபலமான கலைப்படைப்புகளில் ஒன்றான இது, இது மத்திய பரிஸில் உள்ள லூவ்ரே (Louvre ) நூதனசாலையில் வைக்கப்பட்டுள்ளது.
பாதுகாப்பு கண்ணாடிக்கு பின்னால் இருந்தமையால் ஓவியம் சேதமடையவில்லை நூதனசாலை நிர்வாகம் தெரிவித்துள்ளது.
“உணவு எதிர்த்தாக்குதல்” என எழுதப்பட்ட டி-சர்ட் அணிந்திருந்த இரண்டு பெண் எதிர்ப்பாளர்கள் சூப்பை தெளிப்பதை காணொளி காட்டுகிறது.
பின்னர் அவர்கள் ஓவியத்தின் முன் நின்று, “இதைவிட முக்கியமானது என்ன? கலையா அல்லது ஆரோக்கியமான மற்றும் நிலையான உணவுக்கான உரிமையா?” என கேள்வி எழுப்பியுள்ளனர்.
Riposte Alimentaire (Food Counterattack) என்ற குழு இந்த செயலுக்கு பொறுப்பேற்றுள்ளது.
ஒவ்வொரு மாதமும் குடிமக்களுக்கு உணவு செலவுக்கென 150 யூரோக்கள் பெறுமதியான உணவு அட்டை வழங்கப்பட வேண்டும் என குழு அழைப்பு விடுத்துள்ளது.
சுற்றுச்சூழல் இயக்கம் எனக் கூறப்படும் Riposte Alimentaire’இன் உறுப்பினர்கள், ஓவியத்தின் மீது பூசணிக்காய் சூப்பைத் தெளித்ததாகவும், எனினும் எந்த சேதமும் ஏற்படவில்லை எனவும் கூறப்பட்டுள்ளது.
மோனலிசா இலக்கு வைக்கப்பட்டதை “எந்த காரணமும்” நியாயப்படுத்த முடியாது என பிரான்சின் கலாச்சார அமைச்சர் ரச்சிடா டாட்டி கூறியுள்ளார்.
“எங்கள் பாரம்பரியத்தைப் போலவே ஓவியமும் எதிர்கால சந்ததியினருக்கு சொந்தமானது,” என அவர் எக்ஸ் தளத்தில் குறிப்பிட்டுள்ளார்.
மோனலிசா 1950களின் முற்பகுதியில் இருந்து பாதுகாப்பு கண்ணாடிக்கு பின்னால் இருந்தது, பார்வையாளர் ஒருவர் அமிலத்தை ஊற்றியதால் அது சேதமடைந்தது.
2019ஆம் ஆண்டில், நூதனசாலை அதைப் பாதுகாக்க குண்டு துளைக்காத கண்ணாடியை நிறுவியதாகக் கூறியது.
2022ஆம் ஆண்டில், ஒரு ஆர்வலர் ஓவியத்தின் மீது கேக்கை வீசினார், “பூமியைப் பற்றி சிந்திக்க” மக்களை வலியுறுத்தினார்.
இந்த ஓவியம் 1911இல் லூவ்ரேயில் இருந்து திருடப்பட்டதோடு, இது சர்வதேச பரபரப்பை ஏற்படுத்தியது.
உலகில் அதிகம் பார்வையிடப்பட்ட நூதனசாலையின் ஊழியரான Vincenzo Peruggia இதனை திருடியிருந்தார்.
இரண்டு ஆண்டுகளுக்கு பின்னர், இத்தாலியின் புளோரன்ஸ் நகரில் உள்ள பழங்காலப் பொருள் விற்பனையாளருக்கு அதை விற்பனை செய்ய முயன்றபோது அது மீட்கப்பட்டது. (BBC)