ரஷ்ய ஜனாதிபதி விளாடிமிர் புடினின் உத்தியோகபூர்வ வருடாந்த சம்பளம் $140,000 எனக் கூறப்பட்டாலும், அவரது நிகர சொத்து மதிப்பும் வாழ்க்கை முறையும் வித்தியாசமான கதைகளைச் சொல்கின்றன.
800 சதுர அடி குடியிருப்பு, மூன்று கார்களின் உரிமையை புடின் ஒப்புக்கொண்டாலும், தொடர்ச்சியான வதந்திகள் மிகவும் ஆடம்பரமான யதார்த்தத்தை எடுத்துக்காட்டுகின்றன.
புடினின் தனிப்பட்ட சொத்து மதிப்பு 200 பில்லியன் டொலர்கள் என அறிக்கைகள் தெரிவிக்கின்றன.
1990களில் ரஷ்யாவில் ஒரு பெரிய முதலீட்டாளரிடமிருந்து வெளியான இத்தகைய கூற்றுக்கள், புடினின் சொத்து மதிப்பை சுற்றியுள்ள மர்மத்திற்கு அடுக்குகளை உருவாக்கி தொடர்ந்து பரப்பி வருகின்றன.
புடினின் செல்வம் எனக் கூறப்படும் கருங்கடல் மாளிகை, இது பெரும்பாலும் “புடினின் Country Cottage” என அழைக்கப்படும். முரண்பட்ட அறிக்கைகள் இருந்தபோதிலும், ஒரு குன்றின் மேல் அமைந்திருக்கும் சொத்து, கிரேக்க கடவுள்களின் சிலைகளால் அலங்கரிக்கப்பட்ட ஒரு பளிங்கு நீச்சல் குளம் உள்ளிட்ட பல வசதிகளைக் கொண்டுள்ளது.
இந்த மாளிகையின் ஆடம்பரமான உட்புறத்தில் $500,000 பெறுமதியான சாப்பாட்டு அறை தளபாடங்கள், $54,000 பெறுமதியான ஒரு bar table (மதுபானம் அருந்துவதற்கான மேசை) ஆகியனவும் காணப்படுகின்றன.
இந்த பிரமாண்ட மாளிகையை பராமரிக்க, 40 பேர் கொண்ட ஊழியர்களுக்கு வருடாந்தம் இரண்டு மில்லியன் டொலர்கள் செலவாகும்.
புடினின் ஆடம்பரங்களின் பட்டியலில் 19 ஏனைய வீடுகள், 700 கார்கள், 58 விமானங்கள் மற்றும் ஹெலிகொப்டர்கள் மற்றும் “தி ப்ளையிங் கிரெம்ளின்” என நகைச்சுவையாகப் பெயரிடப்பட்ட $716 மில்லியன் பெறுமதியான விமானம் பற்றிய தகவல்களும் உலாவுகின்றன.
700 மில்லியன் பெறுமதியான Scheherazade என்ற பெரிய படகு புடினுக்கு சொந்தம் எனவும் கூறப்படுகிறது.